martedì 20 novembre 2012

Ve mo!!

Anc’ir dop-mezzde’ alle 13,30 , in piaza as presènta un bel gròpp et 14 mountainbaichers, prònt par un’etar bèla pdàlèda, e per la prezisiòn la brigàta l’èra composta da ‘sti sù quant biziclettèri:


sara, vito, piero, stefano, giuseppe, giorgio, raptor, leo, pietro, morris, nino, etar du nov aggreghe’, e po’ infein, a’jera un ragazòl et 13 an , Alessandro, c’lè po’ al fiòl d’un amic et stefano.

Anc stavolta pero’, al gròpp l’era orfan d’impurtant presèinze…( e quast, brisa parchè chi j’era in piaza non lo fosse, aj manchere’)…

A’csè, alle 13,35 al gròpp al partèss da sasso, dezìs ad affrùntèr la salìda del ‘cieco’,e con vito in testa al gròpp, as dirìz per la val di setta, e po’ dòp 3 km, al svòlta prèmma a ds par al piccolo paradiso, e po’ sobbìt a sn lòng al sentir sterre’, parallelo al fondo d’al fiòmm.

La giurnèda an’l’è brisa trop bèla, un po’ freschèina e piò che etar con d’là foschiì , ma tòtt sòmmè l’è un dè azèttabil, anzi l’è al clèmma idèel e con teimperatue adegueè, par affruntèr la suddetta salìda.

Zònt acsè alla stanga, al gròpp’ svòlta sò a ds appònt per la salìda d’al ‘ cieco,’ che si snoda in onna bèla curnìs autunnèl, ma al stess tèimp onna salìda infame, dal fònd ghiaious e longa sicùr 1,5 km, ma…. divisa in dù trùncòn.

A metè d’la salìda , infatti, a’jè on spiàz ,e què al gròpp as’riunèss par tìrèr un pòc al fièt , e dòp sò quant minut al ripartèss, per affrùnter al sécond stràp, ed zirca 600-700 mt, ma dimondi impegnatif…

Arriveè in vàtta, a’jè un ’etar pausa ,e bisògnna dir che al ragazòl,’ a discapito dei 13 anni , al viàza pulidèin, al và so par al salìd senza fèr ònna pìga….

Dòp so quant minut as’ripartess, vèrs la ‘collina’, que’ a’jè ‘na serie di so e zò, e pò dòp , 2 km zònt ad un bivio ziràn a ds , zo’ per v campione , con ancòura un pòc ed saliscendi .

Dòp sò quant km ziràn a ds, a’je’ un’etar pausa ,al gròpp intant as’riunèss e po’ al tàca salìr, per via canovell.

Quàsta, l’è ònna salìda dimondi lònga , con i prèmm km sò strè asfalteè, ma che pò dòp, man mano c’as cuntènua salìr al d’vèinta sèimpar piò ripida, con la conseguèinza che al gròpp a’s sfilàza un pòc, e po’ gl’ultùm 500 mt al fònd l’è ’ dvinteè sterrè, con un fònd tecnic, e piòttost sgùdavvàl.

In vàtta al gròpp as’riuness, ma intànt vito , a mete’ d’la suddetta salìda, al dezideè ed tur onna deviaziòn, par turnèr a ca’ anzitempo, mandandoci i saluti tramite sara.

A c’al pònt què , sono le 15, 40 e soccom l’è novval, e di conseguèinza al ven bur premma d’al sòlit al gròpp dezid ed turner zò, dalla ‘collinaccia’, e in sequiènza dalla’collina’ ,s silvestro, zona di ‘folesano,e po’al svòlta sò a ds per il percorso gara ed marzabòt.

Infèin al gròpp l’ariva in fond al paeis di lama di reno zona fajè, e dòp 3km a sasso marconi.

Ad ogni mòd un gran bel zir !!... , di 28km con di sicùr, piò salìda che disceisa, quindi dimondi impegnativ ma ala fèin tòtt appagheè e suddisfàt!

A stètar sàbet cari bikerss… al solìt post e sòlit ùrer…. !!

( a’ vvi capèè quel???)…. in italiano....( avete capito qualcosa??)

Raptor





8 commenti:

  1. martedì sera e nessun commento... dev'esserci un motivo...! Massimo

    RispondiElimina
  2. Numero 1!!!!!!!!!!!!
    Eletto addetto stampa a vita.
    Bianco

    RispondiElimina
  3. grrassie..! ma l'ultimo messaggio di chi è? firmarsi prego.... ah ,ah soccia però che fatica, a fare il resoconto in dialeto..ho speso l'equivalente di energie uguale ad una gara dei gessi... non ho capito però il messaggio di massimo (tovoli?)
    saluti raptor

    RispondiElimina
  4. Ti ste' dimondi brev Raptor
    contennua ben achse'
    As vden sabet
    Giorgio

    RispondiElimina
  5. Raptor sei un mito ormai sei stato nominato per il premio Pulitzer!!! quest'anno non te lo toglie nessuno.
    Stefano

    RispondiElimina
  6. etar che i brescian o i napoletan, al nostar se cl'è una langua seria. la prosima volta cas va fora a ciacarein solameint acsè. Av salut,
    Piero

    RispondiElimina
  7. Ciao Raptor. Scusa ma siccome io ho non ho capito gran ché del resoconto in bolognese, non vedendo alcun commento, pensavo fosse poco chiaro anche per gli altri. Invece devo ammettere la mia ignoranza sul dialetto che diventa ancor più evidente quando è in forma scritta. Socmel l'ignuranza l'è propi na bròta bistia... (se scrivo io me la cavicchio!). Massimo

    RispondiElimina